Posted on July 24, 2009 under Showbiz
MAY IPINAAAYOS NA bahay ngayon si Chairman Edu Manzano sa bandang San Juan. Malaki ang bahay na nasa isang malawak na bakuran din, luma ang istilo nito, kaya ipinare-renovate ngayon ng aktor-TV host sa ayon sa kanyang panlasa.
Maraming nagpapalagay na isa nang preparasyon ni Chairman Edu ‘yun para sa nalalapit nilang pagpapakasal ng magandang news anchor na si Pinky Webb.
May ilang anggulo na lang silang inaasikaso pa, pero saan pa nga ba mauuwi ang matagal na nilang relasyon kundi sa pagpapakasal?
Hindi naman dinisenyo sa langit ang kanilang relasyon, nagkakaroon din sila ng hindi pagkakaunawaan paminsan-minsan, pero totoo ang obserbasyon ng mas nakararami na ibang mag-away ang mga taong may pinag-aralan.
Sa pagkakaalam namin, kapag may tampuhan ang dalawa ay umaalis muna si Chairman Edu, hindi naman siya nagpupunta sa ibang bansa, hindi lang muna siya nagpapakita kay Pinky.
Ganu’n ang epektibong paraan ng mga kalalakihan para ang tampuhan ay hindi lumala, kailangang iwasan nila ang mas mainit pang argumento na maaaring humantong sa kung saan, kapag lumamig na ang timplada ng babae ay saka na lang sila uli bumabalik.
Mahahalata kapag may tampuhan ang dalawa. Makikita mong kumakain nang mag-isa si Chairman Edu, si Pinky naman ay halatadong hindi mapakali.
Pero kapag magandang-maganda ang lagay ng panahon ay makikita mo silang masigla, nagbibiruan habang naglalakad, napakadaling hulaan kapag may hidwaan sina Chairman Edu Manzano at Pinky Webb.

Posted on July 16, 2009 under Showbiz
SALUDO KAMI SA pagiging discreet nina Chairman Edu Manzano at Pinky Webb tungkol sa kanilang relasyon. Alam mong nagmamahalan sila, alam mong itinuturing nilang inspirasyon ang bawat isa. Pero hindi sila ang klaseng ipagbubuyangyangan sa buong mundo ang kanilang pagmamahalan.
Kumikilos sila ayon sa kanilang edad, hindi na nga naman sila mga teenager para maglingkisan sa harap ng publiko. Pero sa pagiging simple nila, mararamdaman mo ang sobra-sobra nilang pagmamahal at malasakit sa isa’t isa.
At mas maingat sila sa punto ng hindi nila pagkakaunawaan. Wala kang mararamdamang meron pala silang away, dahil propesyonal pa rin silang nagtatrabaho nang magkasama lalo na nu’ng hindi pa nagbibitiw si Chairman Edu sa kanilang pang-umagang programa.
Sabi ng isang nakausap namin, “Mapi-feel mo lang na meron silang misunderstanding dahil kapag off-cam na, hindi sila nag-uusap. Kapag okey kasi sila, sweet sila sa likod ng mga camera, alam mong walang problema sa pagitan nila,” pagdidiin nito.
Ang plano ng pagpapakasal, palaging nandiyan lang. Pero siyempre, may mga kailangan pa silang ayusin lalo na sa parte ni Chairman Edu. Kailangan pa muna nilang plantsahin ang maraming aspeto ng kanilang relasyon para makahigop na tayo ng mainit na sabaw

Ms Pinky Webb's photo slideshow with background music "Beautiful In My Eyes"

Hey guys, here's a slide show of photos of Ms Pinky Webb while one of her fave song "Beautiful In My Eyes" is playing as background music. Photo's were grabbed from your friendster accts guys(ehehehe) and from the net. I wish we have more photos coz' some of the pics here has to appear a couple of times to cover the length of the song...anyway, I hope you'll like it. Thanks!

BTW, "Congratulations" Ms Pinky for being a part of "Tambalang Failon at Sanchez (on leave) Webb (in the house)..ehehehe and thanks for continuously inspiring & surprising us with your ingenuity & antics...more power and God bless!